Тываның Улустуң чогаалчызы Кара-Күске Чооду: «Эртинелер бисте ковей, Эргек базып, санап четпес. Эн-не дээди тостун бири Эргим тыва дылывыс бо.»
Тываның улустуң чогаалчызы Александр Даржайның эгелээшкини-биле бистиң национал календарывыска көстүп келген бо байырлал национал ужур-уткалыг. Дыл дээрге нациянын болгаш чоннун дозу — ол дээрге бисти ыраккы өгбелеривис болгаш келир үеде салгалдарывыс-биле каттыштырып турар болуушкун-дур.
Бистиң бөгүнгү ниити сорулгавыс келир салгалдарга төрээн дылывысты, ооң чаражын кадагалап арттырар харыысалгавысты сактып арттырары болур.
Бистиң шуптувуска төрээн дылдарывыска сагыш човаачал хамаарылгалыг болуп, бистиң республикавыста болгаш чурттувуста чурттап чоруур бүгү чоннарның дылдарынга шак ындыг хүндүткелдиг болгаш нарын хамаарылгалыг болурун күзедим. Бистиң хөй националдыг Россиявыста культурлуг көрүжүвүстү калбартып, чоннар аразында эп-найыралды быжыктырып турар ийи дылдыг чорукка чоргаарланырывысты күзедим.
Байырлал-биле!
Тыва Республиканын Хөй-ниити палатазының эргелелиниң удуртукчузу А.Д.Монгуш